ഇന്നലെ രാത്രി ഒരു ടിവി റിയാലിറ്റി ഷോ ഷൂട്ടിനിടെയാണ് സംഭവം.
കാണികള്‍ക്കിടയില്‍ ഇരുന്നിരുന്ന യുവാവ് ഷൂട്ടിനിടെ പെട്ടെന്ന് സ്റ്റെജിലെക്ക് കയറി വന്ന് നടിയുടെ കരണത്തടിക്കുകയായിരുന്നു.
ഗൗഹര്‍ പൊതു വേദിയില്‍ ഇസ്ലാമിന് നിരക്കാത്ത രീതിയില്‍ വസ്ത്രം ധരിച്ചു എന്നതായിരുന്നു മുഹമ്മദ്‌ മാലിക്ക് എന്ന ആ യുവാവിന്‍റെ ആരോപണം. അവളെ ഒരു പാഠം പഠിപ്പിക്കാന്‍ ചെയ്തതാണത്രേ ഇങ്ങനെ.
Raw Star എന്ന സംഗീത റിയാലിറ്റി ഷോയുടെ ഇടയിലാണ് സംഭവം, കഴിഞ്ഞ ദിവസങ്ങളിലും ഈ 24കാരന്‍ പ്രേക്ഷകര്‍ക്കിടയില്‍ ഉണ്ടായിരുന്നതായാണ് പോലീസ് ഭാഷ്യം. പരിപാടി തുടങ്ങി അല്‍പ സമയത്തിന് ശേഷം പെട്ടെന്ന് ചാടി എഴുന്നേറ്റ മാലിക്ക് സ്റ്റേജിലേക്ക് എത്തുകയായിരുന്നു. പോലീസ് കേസ് ചാര്‍ജ് ചെയ്തിട്ടുണ്ട്.
യുവാവിന്‍റെ മൊഴി പോലീസാണ് മാധ്യമങ്ങള്‍ക്ക് കൊടുത്തത്. കഴിഞ്ഞ ദിവസങ്ങളിലും ഷോ കാണാനെത്തിയ മാലിക്ക് നടിയെത്തന്നെയാണ് ശ്രദ്ധിച്ചിരുന്നതെന്നും, സ്റ്റേജിലേക്ക് കയറും മുന്‍പ് കുറേ നേരം അവരെ രോഷത്തോടെ നോക്കിയിരുന്നുവെന്നുമൊക്കെ പോലീസിന്‍റെയും ചാനലുകാരുടെയും വാര്‍ത്താക്കുറിപ്പിലുണ്ട്. അറസ്റ്റിന് ശേഷവും അവരുടെ വസ്ത്രധാരണത്തെ കുറ്റം പറയാനാണ് പ്രതിക്ക് നേരമെന്നും പോലീസ് കൂട്ടിച്ചേര്‍ത്തു.
പക്ഷെ സംഭവത്തില്‍ പല കാര്യങ്ങള്‍ക്കും ഒരു വ്യക്തതയില്ല:-
ഏകദേശം രണ്ടായിരത്തി അഞ്ഞൂറോളം കാണികള്‍ക്കിടയില്‍ നിന്നാണ് മാലിക്ക് സ്റ്റേജിലെക്ക് എത്തിയത്. ഇരുന്നൂറ്റി അന്‍പതോളം ഗാര്‍ഡുകള്‍ സ്റ്റുഡിയോയുടെ അകത്തുണ്ടായിരുന്നു, പത്തോളം പേര്‍ സ്റ്റേജിന് താഴെയും. ഇവരെയൊക്കെ കടന്ന് ആ യുവാവ് സ്റ്റെജിലേക്ക് കയറി ആദ്യം ഗൗഹറിനെ കയറിപ്പിടിക്കാന്‍ ശ്രമിച്ചെന്നും, അപ്പോഴേക്കും മറ്റുള്ളവര്‍ തടഞ്ഞത് കൊണ്ട് കരണത്ത് തല്ലി തന്‍റെ രോഷം തീരത്തെന്നുമാണ് ചാനലുകാര്‍ നല്‍കുന്ന വിശദീകരണം, ഈ സംഭവങ്ങളൊക്കെ വീഡിയോയിലും കാണാം. പക്ഷെ മാലിക്ക് സ്റ്റെജിലേക്ക് കടന്ന സമയം ഗാര്‍ഡ് നിന്നവര്‍ക്ക് എന്ത് പറ്റിയെന്ന ചോദ്യത്തിന് ഉത്തരമില്ല.
Raw Star മ്യൂസിക്ക് റിയാലിറ്റി ഷോയുടെ ഗ്രാന്‍ഡ്‌ ഫിനാലെ എപ്പിസോടാണ് ഷൂട്ട്‌ ചെയ്ത്കൊണ്ടിരുന്നത്. 'എപ്പിസോഡിന് പബ്ലിസിറ്റി കൂട്ടി റേറ്റിംഗ് കൂട്ടാനുള്ള ചീപ്പ് പരിപാടിയായിരുന്നു അത്' എന്നാണ് ഈ പരിപാടിയുടെ മറ്റു ചാനലുകളിലെ 'ശത്രുക്കളുടെ' ആരോപണം.
എന്തായാലും ഈ സംഭവത്തോടെ ആ റിയാലിറ്റി ഷോയും ഗൗഹര്‍ ഖാനും രാജ്യം മൊത്തം സംസാര വിഷയമായിട്ടുണ്ട്. അതിന് കാരണക്കാരനായ യുവാവ് ഇപ്പോള്‍ പോലീസ് സ്റ്റേഷനിലും.
Indian presenter Gauahar Khan slapped live on air by man from the audience for wearing revealing clothes
Actor Gauhar Khan slapped for 'skimpy' dress
Indian presenter Gauahar Khan slapped live on air by man from the audience for wearing revealing clothes
Actor Gauhar Khan slapped for 'skimpy' dress